November-ah NIFT Shillong campus hawng dawn

Union textile minister Smriti Zubin Irani chuan kumin November thlaah Shillong-a National Institute of Fashion Technology (NIFT) permanent campus chu hawn a ni dawn tih a sawi. 

National Institute of Fashion Technology Centre, Maw­diang­diang a tlawhnaah he thu hi sawiin, union minister chuan Shillong campus chu ramchhunga NIFT campus mawi ber a nih tur thu a sawi. Union minister hi chief minister Conrad Sangma chuan a ṭawiawm a ni. Kum 2013 khan hetihlaia textile minister Kavuru Sambasiva Rao chuan NIFT campus sakna tur lungphum hi a lo phum tawh a ni. Campus hi ram acre 20.13 a zau a ni a, a sak hna hi 98.95% vel zawh a ni tawh. 

Union minister Irani hian Thawhṭanni vek han Ri-Bhoi disrict, Nongpoh-ah Integrated Textiles Tourism Complex (ITTC) lungphum a phum nghal bawk. Irani chuan 'Samarth' scheme hnuaiah, Meghalaya-ah textile sector hnuaiah mi 30,000-te skill training pek an ni dawn tih a sawi. Minister chuan a tirah chuan skill training hi mi 7,200 hnena pek tura tih ni mah se, sorkar laipuiin a ennawn hnuah mi 30,000-ah tihpun a nih thu sawiin, hei hi Meghalaya tana thil lawmawm, chhinchhiah tlak a ni, a ti.