Indo-Bangladesh Rail project-in hma sawn chak lo

Indo-Bangladesh railway project chuan hma a sawn chak lo a, he project zawh hun tura ruahman chu nakkum September thla atan pawhsei leh a ni. 

Km 12.23 a thui rel kawng siamna atan hian cheng vaibelchhe 972 ruahman a ni. He relkawng hi Agartala (India)-Akhaura (Bangladesh) inkara siam a ni a, hmarchhak state-ten an chhawr ṭangkai hle rin a ni. 

Ministry of Railways  hnuaia IRCON International Limited-in project hi a thawk a, project thawhna atana sum senso tur hi a vaiin DoNER (De­velopment of North Eastern Region) Ministry leh Ministry of External Affairs (MEA)-in an tum dawn a ni. 

ICRON official chuan fur a zawh hunah rel kawng siam hna hi chak zawka kalpui a nih tur thu a sawi. Rel kawng siam tur zinga km 5.46 hi India ram lamah niin, km 6.57 chu Bangladesh ram lamah siam a ni thung ang. Tripura chief minister Biplab Kumar Deb chuan tunhnaiah ICRON official leh engineer-te hi meeting neihpuiin, proejct hi a hma thei anga zo turin a lo hrilh tawh a ni.