Hmarchhak state-te thawhpui tiam

Union power minister RK Singh chuan Thawhlehni khan Guwahati-ah hmarchhak state-a chief secretary leh power department principal secretary-te review meeting a neihpui a, hmarchhak biala hydro-power tihhmasawnna tura theihtawpa thawhpui a tiam. 

RK Singh chuan hmarchhak bial chuan hydro-power kalpuina turin theihna sang tak a nei tih sawiin, state sorkar-te chuan hydro-project siamna tur, ram pek leh resettlement leh rehabilitation plan siamna kawngah chanvo pawimawh tak an nei a ni, a ti. 

Meeting-ah hian Arunachal Pradesh sorkar leh NHPC Li­mited chuan 200MW Subansiri Lower Hydroelectric Project aṭanga power supply turah inremna an ziak nghal a ni. Hetihlai hian meeting hi Subansiri mega dam siam tur dodaltu, KMSS activist-te chuan an tibuai a, meeting neih­na Khanapara-a hotel kawtah pungkhawmin an lungawi lohna an lantir a ni. 

Minister ho hian hmarchhak biala power sector scheme leh project hrang hrang kalpui mek - Integrated Power Development Scheme (IPDS), Deen Dayal Upadhyay Gram Jyoti Yojana (DDUGJY), Pradhan Mantri Sahaj Bijli Har Ghar Yojana (Saubhagya) leh R-APDRP-te an sawiho a ni. IPDS hnuaiah hian hmarchhiak biala project thar siamna turin cheng vaibelchhe 1797.43 sanction a ni tawh bawk.