Brahmaputra chunga lei dawh kan ngaipawimawh: VK Singh

Union minister of state for road transport and national highways, General (retired) VK Singh chuan Majuli kal­pawhna tur, Brahmaputra chunga lei dawh chu an ministry in a ngaih­pawimawh thu a sawi.

Thawhlehni tlaiah khan Assam chief mi­nister Sarbananda So­nowal leh union minister VK Singh-te hian Assam Administrative Staff College, Guwahati-ah meeting an nei a ni. Meeting-ah hian Brah­maputra chunga Dhubri-Phulbari lei dawh chungchangah Sar­bananda Sonowal hian Union Minister hi inrawlh se a duh thu a hrilh.

VK Singh hian Assam state chhunga national highway siam belh leh a awmsa siamṭhat chungchangah mawh­phurtute meeting a neihpui bawk. VK Singh hian nimin khan Arunachal Pradesh khawpui Itanagar a tlawh bawk a, hetah pawh hian kawngpui siam lama an hnathawh dante a enfelpui ang.