Railway Board hotuin NFR a tlawh

Railway Board chairman, Vinod Kumar Yadav chuan Thawhṭanni khan Northeast Frontier Railway (NFR) headquarters a tlawh a, Guwahati Railway Station a endik nghal. 

Vindo Kumar Yadav hian Guwahati rel station cheiṭhat mekte te endikin, Running Room chei thar chu a hawng nghal bawk. He room hi rel-a thawk, driver leh guard-ten chawlh hahdamna atan an hmang ṭhin. 

Lumding division in sum lakluh tihpunna tura scheme hrang hrang a kalpuite chu Yadav hian a thlir pui bawk. Lumding division hian tunhnaiah khualzinte tan an ṭangkaipui theih tur, Video Wall system a hmang thar a ni. He system hi advertisement tihna atan hman tel niin, hemi hmang hian Non-Fare Revenue lakluh pawh a pun phah hle a ni. Hei bakah hian ticket counter, concourse leh station chhung hmun dangah pawh railway sum lakluh tihpunna turin commercial advertisement tihna tur siam a ni bawk. 

Yadav chuan Lumding division hmalakna hi fakin,  railway sum lakluh tihpunna tura hmalakna chu chhunzawm zel turin a chah zui a ni.