Assam : April aṭangin electricity tariff tihniam dawn
Assam Electricity Regulatory Commission (AERC) chuan electricity tariff rule siam tharin, April 1, 2021 aṭangin state chhungah electric hman man a hniam dawn.
Domestic leh commercial category hnuaia electric hman man chu kWh-ah pawisa 20-in tihhniam a ni a, category dang zawngah kWh-ah pawisa 15 in tihhniam a ni dawn bawk. Tariff hman mek aṭangin a pumpuia a hniamna hi 2% vel a ni ang. Fixed charge erawh tihdanglam a ni lo thung.
Eletricity tariff tihhniam a nih tur thu puan a nih hma hian Assam cabinet chuan March thla thleng chu power unit 30 chin chu a thlawnin pek a nih tur thu an lo puang tawh bawk.