Sikkim-a zirlai hmeichhiate self-defence training pe dawn

Sikkim-a goverment school-a kal, Class 6-10 zirlai hmeichhiate chu mahni inven dan, self-defence training pek vek an ni dawn.

Education department special secretary Bhum Thatal chuan Samdong Government Senior Secon­dary School-a zir­laite hmeichhiate puala self-training programme siam a hawnnaah he thu hi sawiin, state puma sorkar school-a kal zirlai hmeichhiate chu training hi pek vek ni dawn, a ti. 

Thatal chuan zir­lai hmeichhiate hi tae­kwondo, karate, boxing leh kickboxing zirtir an ni dawn tih sawiin, self-defence training chu zirlaite discipline siamna atan leh, an hmalam huna buaina an tawh palh pawha an hmachhawn ngamna tura lo buatsaihna pawimawh tak a nih thu a sawi.