Assam CM-in Skill University lungphum a phum

Assam chief minister Sarbananda Sonowal chuan Thawhṭanni khan India khawchhak lam biala skill university hmasa ber tur lungphum a phum. 

Skill university hi Darrang district-ah din a ni dawn a, cheng vaibelchhe 1,000 senga siam a ni ang. He university-ah hian discipline 12 a awm dawn a, zirlai 10,000 training pek theih an ni ang. 

CM chuan he university sak hna hi kum 2026-ah zawhfel hman tum a ni tih a sawi. 

Sonowal chuan kum 2016-a Assam-a BJP kaihhruai sorkar a din aṭangin state chhunga district hrang hrangah institution din chhoh turin hma lak a ni tih a sawi a, Act East Policy chuan zirlaite tan kawng ṭha tak a rawn hawn sak a ni, a ti bawk. Assam sorkar chuan Singapore, Germany, Taiwan, South Korea, Australia, Israel, Japan leh UK expert-te thawhpui dan kawng a zawng mek a ni. 

Skill, employment and entrepreneurship development minister Chandra Mohan Patowary chuan he hun hi hmanpuiin, India rama skill university pathumna din tumin hma lak leh mek a nih thu a sawi.