Lord Krishna tih dan anga phenglawng tumin Bawngin hnutetui a ngah thei: BJP MLA

Assam-a BJP MLA Dilip Kumar Paul chuan Lorh Krishna-in a tum anga bawng bula phenglawng tum chuan bawngpui hian hnutetui tam zawk an nei thei tih a sawi. 

Barak Valley, Silchar MLA hian a bial chhunga cultural event neihnaah he thu hi a sawi a ni. Paul chuan music leh lamin nghawng ṭha tak a neih theih dante sawiin, Lord Krishna-in a tum ang a phenglawng tum rite chu bawngin an lo ngaihthlak chuan, bawnghnutetui sawrchhuah tur pawh a tam ṭhin a ni, a ti.

A thusawi chungchang zawhchian­naah, BJP MLA chuan Gujarat-based NGO chuan kum eng emaw zat kal ta khan rimawi leh bawnghnutetui tam theih danin inkungkaihna an neih dan hi an lo zirchiang tawh niin a sawi. India bawnghnutetui chu ramdang ami aiin a tuiin a hrisel zawk tih a sawi bawk. 

MLA chuan Assam, Meghalaya, West Bengal leh Tripura ramri kaltlanga India aṭanga Bangladesh-a bawng tawlhruk ṭhin chu a ngaimawh thu a sawi bawk. "Bawng hi gau-mata (mother) tiin kan sawi a,mahse hetihlai hian kumtinin Bangladesh-ah a sang tel tawlhluh a ni ṭhin. Hei hi kan tihtawp a ngai a ni," tiin a sawi.