Hornbill International Rock Contest Kumin aṭangin titawp dawn

Nagaland Advisor of Task Force for Music and Arts (TaFMA) Theja Meru chuan Hornbill Festival chu Music Festi­val puitlinga siam a nih theihna turin kumin aṭangin 'International Hornbill Rock Contest' a awm tawh dawn lo tih a sawi.

Hemi chungchang hi Nilaini khan Meru chuan sawiin, Hornbill competition neih hun chu a liam tawha an hriat thu a sawi a ni. Rock com­petition hi awm tawh dawn lo mah se 'The Great Hornbill Rock' leh 'Ticket to Hornbill'-te an buatsaih dawn tih a sawi bawk.

'Ticket to Hornbill' hnuai­ah hian September 27 hian TaFMA hian an state chhungah band audi­tion an nei dawn a, district tina pakhatnate chu  Hornbill Music Festival-a 'The Great Hornbill Rock'-ah an perform thung dawn a ni.

Meru chuan 'Ticket to Hornbill' hi state pawnah pawh an buatsaih dawn tih a sawi a, khawpui thlan bikah audition neih a ni dawn tih a sawi.