Lungalhthei phurhchhuah chungchangah NGT-in Meghalaya sorkar report thehlut turin ti

Committee member pathum awmna National Green Tribunal chuan Supreme Court-in lung­alhthei phurh chhuah a khap chunga kalpui a la nih reng chungchangah report thehlut turin Meghalaya sorkar chu hriattirna a pe.Retired Justice B P Kakoti kaihhruai committee chuan July 22&23-a meeting an neih leh hunah report chu an thehlut tur a ni tih an sawi.

Zirtawpni khan lungalhthei phurh luh leh phurh chhuah chungchangah hian Sylvan House conference room-ah meeting hi an nei a ni Committee chairman chuan May 31-a SC-in lungalhthei phurh a khap chungin phurh a la ni reng tih mi ṭhenkhat hnen aṭanga report an dawn thu a sawi a, Ri-Bhoi-a lungalhthei phur truck man a nih chungchang pawh an la thutak hle tih a sawi.

Committee hian Guwahati-ah pawh Meghalaya-a lungalhthei phurh kual a la ni reng tih complaint pali an dawng a, meeting-a tel BSF-te pawhin ramri-a truck tlante chu an dap reng tih an sawi thu Kakoti chuan a sawi a ni.

Hetihlai hian lungalhthei lakchhuahna thar report a awm lo tih erawh a sawi thung.