Sikkim University-in Mass Comm HoD ban

Sikkim University chuan Mass Communi­cation Head of Depart­ment, Prof Silajit Guha chu mipat hmeichhiatna lam hawia mawi lo taka chea puh a nih avangin an ban.

Sikkim University Registrar TK Kaul chuan thuthar thehdarhtute hmaah Mass Comm. HoD chu ban a nih thu a sawi a, puh a nihnaah hian Internal Complaints Committee chuan thiam loh an chantir tih a sawi.

University-a zirlai pakhat chuan Mass Comm HoD Guha lakah hian com­plaint thehlutin, a lakah mipat hmeichhiatna lam hawia mawi lo taka a chet thu a sawi. A complaint hi University chuan Internal Complaints Committee hnenah a hlanchhawng a, ban a ni ta a ni. 

ICC hian an chhui chian hnuah Prof. Guha hi thiam loh an chantir a, June 10-a a laka complaint thehluhah chuan thiam loh chantir a ni tih tarlangin, a rang thei ang bera hremna lekkawh turin an tinghal bawk.

ICC report hi Sikkim University Executive Council chuan pawmsakin Guha lakah hian hremna hi an lekkawh ve nghal a, a banna lehkha pawh hi a kutah pek a ni dawn tih Vice Chancellor Prof Avinash Khare chuan a sawi.