Assam Congress-in anti-CAA martarte hriatrengna siam tiam

Assam Congress chuan state assembly inthlan an neih tura an party chu sorkarna siam tura thlan tlin an nih chuan Citizenship Amendment Act (CAA) duh lohna lantirnaa nunna chan tate hriatrengna hmun siam an tiam. 

APP president Ripun Bora chuan, "Nakin lawkah chuan Guwahati-ah hian landmark thar, anti-CAA movement kalpuina hriatrengna hmun ropui tak, Congress sorkar din a la awm dawn a ni. BJP hnena kan thuchah chu, Assam-ah CAA hman a ni dawn lo," tiin a sawi. 

Congress campaign committee chairman Pradyut Bordoloi chuan CAA duh lohna lantirnaa an nunna hlantu, martarte hriatrengna hmun hi Congress party-in hneh­na a chan veleh siam a ni dawn tih sawiin, "He hmunah hian an beihna, an inpekna te chu hriatrengin a awm dawn a ni," a ti. 

Congress party hruaitu Rahul Gandhi pawhin Pathiannia Sivasagar-a eletion campagin a hawnnaah, Congress-in Assam-a sorkarna a siam chuan CAA chu hman a ni dawn lo tih a lo sawi tawh bawk. Assembly inthlan neih tura atan hian Congress party chuan “Assam Bachao Ahok” (Come, let’s save Assam) campaign nei mekin, he campaign peng pakhat atan hian Assam state-in harsatna leh buaina a neihte pholanna video contest an buatsaih bawk a ni.