Union Minister-in hmarchhaka entrepreneur-te puih tiam

Union minister of state for food processing industries Rameswar Teli chuan hmarchhak biala food processing sector chu theihtawpa puih a tiam a, entrepreneur-te pui turin project development cell pawh din a nih thu a sawi. 

Thawhlehnia Gu­wahati-a food pro­cessing stakeholder meet a hmanpuinaah, Union Minister chuan hmarchhak biala hmun tam zawkah food processing unit dinna tur kaihhruaina mumal a la awm lo tih a sawi a ni. "He harsatna sukiang turin ministry of food processing industries (MoFPI)-ah project development cell din a ni a, hemi hmang hian entrepreneur-te chu counselling te pein, detailed project report siam kawngah te pawh puih an ni ang," a ti. 

Minister chuan MoFPI-in  a budget aṭanga 10% chu hmarchhak biala food processing sector tihchangtlunna tura scheme leh programme kalpuina atan a dah tih sawiin, Assam-ah food processing unit 15 a awm tawh tih a sawi bawk. 

Assam state tan agro processing cluster (APC) project, Rs vbc 60 man sanction a ni tawh a, hemi zat vek  hi pipeline siamna atan sanction a la ni dawn bawk tih Teli chuan a sawi. Nalbari district-a mega food park hmangin mi tam tak eizawnna siamsak a ni a, an bial economy pawh a ṭhat phah hle a ni, tiin a sawi.