Prime Minister-in Assam, AP leh Tripura tlawh dawn

Prime Minister Narendra Modi chuan tunkar chhung hian Assam, Arunachal Pradesh leh Tripura state-te chu tunkar chhung hian a tlawh dawn niin BJP official-te chuan Inrinni khan an sawi.

Bharatiya Janata Party (BJP) official-te chuan February 8 hian Modi chuan Guwahati a thlen dawn thu sawiin ni 9 leh ni 10-ah Arunachal Pradesh leh Tripura a tlawh dawn tih an sawi a, public rally pahnihah thu a sawi dawn tih an sawi bawk.

Prime Minister hian a cham chhung hian Guwahati-ah hian BJP hruaitute mee­ting a neihpui dawn a, Citi­zenship (Amendment) Bill chungchangte pawh an sawi dawn bawk a ni.

Modi hain Tripura-ah hian Tripura lal thi ta Maharaja Bir Bikram Kishore Manikya lim, airport-ah a hawng dawn bawk a, railway line zawm sei belh hawnna pawh a neih dawn bakah Tripura Institute of Technology academic building pawh a hawng dawn niin an sawi.

Swami Vivekananda Ground-a vantlang inkhawmah thu a sawi ang. 

Tripura a cham chhung hian Indigenous People’s Front of Tripura (IPFT) leh Indigenous Nationalist Party of Tripura (INPT)-te chuan Modi hnenah hian memorandum thehluh an tum a ni.