NSNC(K) in NNPG working committee zawm

Nagaland hel pawl, Lieut. General (Retd.) Khango kaihhruai Natio­nalist Socialist Council of Nagaland- Khapalang (NSCN-K)-te chuan ngun taka an ngaihtuah hnuah Naga National Political Groups (NNPG)-te nen an thawkho dawn tih an sawi.

Indo-Naga political issue chungchang sawi­naah NNPG working committee an zawm dawn thu sawiin Government of India (GoI) nena inbiakna an neihnaah an thawhpui dawn thu an sawi a ni.

NSCN-K president Lieut. Gen. (Retd.) Kha­ngo Konyak, leh general secretary, Col. (Retd.) Isak Sumi-te chuan uluk taka an ngaihtuah hnuah NNPG thawhpui tura thutlukna an siam thu an sawi. Inremna an siamah chuan NNPG-a civil leh military worker-te chuan May 13, 2017, August 8, 2017, September 19, 2017 leh October 6, 2017-a resolution siamte chu an zawm tur a nih thu tarlan a ni a, heng resolution-te hi Naga hruaitute chuan lungrual taka an pawm a nih thu tarlan a ni bawk.

NSCN-K leh NNPG-ten inremna an ziah­ah hian NNPGs WC convenor N Kitovi Zhi­momi, co-convenors Zhopra Vero, Y Wangtin Naga, Hozheto Chophy, Kiumukam Yim­chunger, Toshi Walling, leh NSCN (K) president Lieut. Gen. (Retd) Khango Konyak-te chuan hming an sign a ni.

He hunah hian NTC mediation committee convenor Yesonu Veyie, NGBF president Shahlem Konyak leh NGBF general secretary Shikuto Zalipu-te pawh an tel bawk.

Nagaland Tribes Council (NTC) chuan NSCN-K-te chu an lo lawm thu an sawi bawk a ni.