Arunachal hmeichhia, Physics-a Ph.D hmu hmasa ber Yana Bagbi

Arunachal Pradesh chuan a vawi khat nan hmeichhia, Physics-a doctorate degree hmu an nei ve ta a, North Eastern Regional Institute of Science and Technology (NERIST) chuan kar liamta Ningani khan Yana Bagbi hnenah hian degree hi an hlan a ni.

Bagbi hi  Upper Subansiri district-a Bagbi thingtlang khaw chhuak niin, Arunachal Pradesh hmeichhiate zinga Physics-a Ph.D nei hmasa ber a nih bakah hian state puma Physics-a Ph.D nei pahnihna a ni bawk.

Jawaharlal Nehru College, Pasighat aṭanga Physics graduate niin School of Physi­cal Sciences, Jawaharlal Nehru University, New Delhi aṭangain post gradute degree a hmu leh a ni. A thesis chu ‘Engineered nanomaterials for the application in remediation of heavy metal ions (Pb2+ and Cr6+) from water’ a ni.