Manipur: SC Judge hluiin jounalist chhuah phut CM boycott turin mipui a ngen

Supreme Court judge hlui Markandey Katju chuan journalist Kishorchandra Wangkhem chu chhuah a phut a, chhuah a nih hma chu Chief Minister N. Biren Singh boycott turin mipuite a ngen. 

Markandey Katju chuan Manipur mipuite chuan India ram an hruai tur a ni tia sawiin, an chief minister Biren Singh chu thuneih duhna avanga khaw hmu loah a puh. A hremna tur zawng tura mipuite chu chahin, hmalakna hmasa atan boycott se a duh thu a sawi a, a function buatsaihahte pawh kal lo tura tiin eng function-ah mah sawm lo turin a ti bawk. Khawtlangin dan pawna a hnawl tawh ang maia en turin a ti bawk.

Journalist Kishor­chandra Wangkhem hi private channel news editor niin  Facebook-a BJP, RSS leh Prime Minister-te a sawiselna video a post avangin National Security Act hnuaiah thubuai siamsak a ni a, tunah hian jail-ah tantir mek a ni.

Wangkhem-a nupui Ranjita Elang­bam pawhin a pasal chhuah chu ngiatin sorkar hnenah chhuah turin a ngen a, a pasal chu political propaganda vanga man a nih thu a sawi a ni.