Manipur police-ten hmeichhe ruk bo 101 chhanchhuak

Manipur police leh activist ṭangkawpte chuan Zirtawpni liamta khan beihpui thlakin hmeichhe naupang ruk bo 101 an chhanchhuak.

An hmeichhe naupang rukbo chhanchhuahte bak­ah hian mihring hmanga sumdawng ṭhin nia rinhlelh mi paruk an man bawk.

Police-te chuan border area vel an la dap chhunzawm zel niin an sawi a ni.

Manipur police-te chuan Nepal activist-te hnen aṭanga an thudawn bawhzuiin Mo­reh-a Integrated Check Post (ICP)-ah hmeichhe naupang 16 an chhanchhuak a ni. eng an hmeichhe naupang chhan­chhuahte hi South Asian leh Middle-east ramah te Myanmar kaltlanga thawn tura ruahman an nih rin a ni.

Raj cottage, Moreh aṭang­in hmeichhe naupang 20 chhanchhuah an nih bawk. Heng bakah hian Imphal West police-te chuan hmun hrana beihpui an thlaknaah Imphal khaw chhunga hotel pakhat aṭangin hmeichhe 61 an chhanchhuak bawk a ni. Center for Development Activities (CDAC)-te enkawl Ujjwala Home-ah heng an hmeichhe chhanchhuahte hi an dah dawn niin an sawi.

Zirtawpni-a hmeichhe ruk bo an chhanchhuah zinga 40-te hi Nepali mi an nih thu tarlan a ni bawk.