Himanta Biswa Sarma tihhmingchhiat tuma puh Assam journalist 2 leh mi dang 3 man

Assam finance mi­nister Himanta Biswa Sarma tihhmingchhiat tuma puh, journalist pahnih leh mi dang pathum chu Nilaini khan man an ni. 

Police-te chuan an mi mante hian Sarma leh a fanu thlalak, ṭawngkam mawi lo taka an ziahna chu an thehdarh niin an sawi. Thlalak thehdarh vang hian minister nupui hian Dispur police station-ah complaint a thehlut a, Guwahati City police-ten an chhui zui a ni. 

Police-ten an mante hi local news website, 'Pratihimba Live' editor-in-chief Taufiquddin Ah­mad leh an news editor Iqbal te an ni a, an hnuaia thawk mi dang pathum an man tel bawk. Sarma chuan po­litics-a inbeihna a ni tih sawiin, a fanu kum tlinglo pawh hmer tel duh khawpa an che chu a dem takzet tih a sawi. Etpute chuan kawng hrang hranga beiin tihchhiat an tum a, mahse an hlawhtling dawn lo tih a sawi bawk a ni. 

Additional Director General of Police (Law and Order) GP Singh chuan police-te'n thil sual titu chungah chuan Protection of Children from Sexual Offences (POCSO) Act, hnuaia na taka action lak a ni dawn tih a sawi.