Tripura-a fuel man sang duh lohna lantir

Tripura-ah Congress party chuan Nilaini khan sorkar laipuiin fuel leh LPG cylinder man a tihsan duh lohna lantir nan, Agartala khawpui chhungah hruiin car an hnuk. 

Pradesh Youth Con­­­g­ress leh Mahila Congress activitist-te chuan khawpui chhung kawtthlerah car hi an hnuk a, an hnungah bike-ten an zui bawk. State youth Congress president Pujan Biswas chuan thla khat chhung ram pumah fuel leh LPG cylinder man hi nasa takin a pung chho tih a sawi a, hei hian nitin khawsakna atana mamawh man thlengin a nghawng tawh a ni, a ti. 

Biswas chuan inter­national market-ah crude oil man a tlahniam chung pawhin state sorkar leh sorkar laipui chuan thil man sang zel tihhniam tumin hma a la duh lo niin a sawi. "Sorkar hian duh ni se chuan fuel  man hi litre khat Rs 60 hnuai lamah a dah thei a ni. Mahse thla hmasa chhung khan fuel man hi Rs 12 in a pung a, LPG gas man pawh Rs 75-in a pung a ni. BJP sorkar hnuah thil man hi a san belh zel a ni," tiin a sawi. 

Congress activist-te hian an party office kawtah prime minister Narendra Modi lim an hal zui bawk a ni.