State budget hriattir nan Social media hmang dawn

Assam Finance Department chuan thuchhuah siamin 2019-20 Budget mipuite hnena hriattir nan social medial platform an hmang dawn tih a sawi.

Assam Finance Minister Himanta Biswa Sarma chuan nimin khan Finance department chuan social media chu budget mipuite hnena hriattirna hmanruaa hmang turin thutlukna an siam tih a sawi a ni.

Himanta Biswa Sarma chuan naktuka Assam Legislative Assembly-a bugdet puan­chhuah tur chu ṭangkai zawka mipuite hnena hriattir a nih theih nan leh feedback ṭha zawka an dawn theihna turin social media hman an tum thu a sawi. Tihdan phung baka dynamic medium hman chu Prime Minister Narendra Modi slogan “Sabka Saath Sabka Vikas” leh “in keeping with our commitment to adhere to the principles of participatory governance”-te hmanga remhriatna an neih a nih thu a sawi bawk.

Biswa Sarma chuan social media hmanga budget tarlana mipuite inhnamhnawihna tur zawn chu ramchhunga a vawikhatna tur a nih thu sawiin a hlawhthlak dawn hle niin a sawi. Twitter, Facebook leh Instagram hmangin ni 11 chung lekin mi nuai 1.6 an thleng thei tih sawiin, post 200 an siamah follower 3,200 an neih hman thu a sawi bawk a ni.

Sarma chuan state sorkar budget app, “Assam Budget” tih chu Android leh iOS-ah a hman theih tawh thu sawiin ‘Digital India’ lam pana hmalakna zel a nih thu a sawi.

Minister chuan social media platform-ah chuan mipui a tam thei ang ber inhmanhnawih tir an tum thu leh an tum ber pakhat chu ṭhalaite leh naupang zawkte nena inzawmna ṭha siam a nih thu a sawi a ni.