Tripura CM in CAB thlawp

Tripura Chief Minister Biplab Kumar Deb chu Citizenship Amendment Bill, 2016 chungchanga hun rei tak a ngawih hnuin a ṭawngchhuak ve ta a, Inrinni khan CAB thlawp lam zawngin thu a sawi a ni.

Biplab Kumar Deb chuan CAB chu ram pum tan a nih thu leh hmar chhak tan chauh a nih loh thu a sawiin, Civil Sec­retariat-a media hmaa thu a sawinaah political party dangte chu bill an dodal avangin a sawisel bawk. 

Kumar Deb chuan party dangte chuan bill chu hmarchhak tan chauh Lok Sabha in a pawm ang hrimin an dodal nia sawiin a sawisel a, dodalna leh sawiselna ramchhung hmun hrang hranga neih chu politcal party ṭhenkhatin mipui an bumna a nih thu a sawi.

Deb chuan Jammu & Kashmir,Rajasthan, Tamil Nadu leh Uttar Pradesh-te bakah Mumbai leh Delhi-te pawhin dan loa pem lut vangin harsatna tam tak an tawh thute a sawi bawk a ni. CM chuan hmarchhak political party-te chuan tui nu takah sangha man an tum niin a sawi.