MANPAC-in Hindi ṭawng, Modi leh Rajnath Singh-te boycott dawn

Manipur People Against Citizenship Amend­ment Bill (MANPAC)-te chuan Pathian­ni khan Hindi ṭawng, Prime Minister Narendra Modi, Union home Minister Rajnath Singh leh Indian Union symbol zawng zawngte chu an boycott vek dawn thu an puang.

MANPAC chuan Citi­zenship Amendment Bill an dodal thu sawiin, Bill chu ram neitute second class citizen anga enna a nih laiin ramdang mite pawmna a nih thung thu an sawi.

MANPAC hnuaiah hian civil society pawl 72 lai awmin hmarchhak mipuite chuan nasa takin CAB chu dodal mah se sorkar laipui chuan dan-a chantir a tum tho niin an sawi bawk.

CPI national secy leh Rajya Sabha MP, Vinay Biswam pawhin CAB chu “anti-natio­nal, anti-people leh unconstitutional” tia sawiin bawlhhlawh bawma paih mai tur a nih thu a sawi a ni. CPI chuan Manipur leh hmarchhak mipuite ngaihdan chu an ngaih­pawimawh thu sawiin, Rajya Sabha-ah pawh bill chu an thlawp dawn lo tih a sawi.

An party chuan eptu party dangte pawh bia in Rajya Sabha-ah chuan bill chu dan ngei an tum tih a sawi bawk a ni.