TCSA-ten Chakma 400 pem lut nia report awm a dik lo tih an sawi

Arunachal Pradesh aṭanga Chakma 400 lai mai Tripura-ah pem lutin inhumhimna an zawng nia report tihchhuah awm tawh chu Tripura Chakma Students’ Association (TCSA)-te chuan thu dik lo a nih thu an sawi.

Thawhṭanni-a press meet an neihah TCSA chuan online leh daily newspaper-ah te February 1 khan thu dik lo thehdarh a nih thu tarlangin, UNI hnen aṭanga thudawn angin heng news report hi tarlan a nih thu an sawi. News-ah chuan Tripura-a Kanchanpur sub division chhunga  Santipur  thingtlang khaw bula ramngawah te chuan thingkung hlu tak takte kih an nih thu leh heng hi Arunachal aṭanga pem lut Chakma 400-te tih an nih thu tarlan a nih thu an sawi. Sorkar hnathawk engineer-te leh Tahshilder pahnih bakah Revenue Inspector pakhatte pawh an inhnamhnawih nia tarlan a nih bawk thu an sawi.

TCSA chuan CAB chungchanga thu tam tak sawi a nih mek laia hetiang thu dik lo thehdarh a nih hi a hlauhawm thei hle tih an sawi bawk.

Ramngaw an tarlan lai vel hi Dangu Subhankar Chakma bakah midang 19-te ram a nih thu sawiin thlai chinna tur atana ramngaw thian fai an nih zawk thu an sawi a ni.