Guwahati-Dhaka flight thlawh tir ṭan

Guwahati, Assam leh Dhaka, Bangladesh inkarah nimin aṭang khan thlawhtheihna thlawh tir ṭan a ni ta. Guwahati-Dhaka inkarah hian pri­vate airline SpiceJet chuan nitin thlawhtheihna a thlawh tir dawn a ni. 

Chief minister Sarba­nanda Sonowal chuan nimin chhun dar 11.55-a Guwahati aṭanga Dhaka pana flight hmasa ber tirh chhuah tur puala inkhawm buatsaih chu a hmanpui a, senior minis­ter dangte pawh an tel. 

Guwahati aṭang hian international flight dang pathum thlawh tir mek a ni a, Paro, Bangkok leh Singpaore-ahte Royal Bhutan Airlines chuan thlawhtheihna thlawh tirin,  kar khatah vawi hnih an thlawk ṭhin. Chief Minister chuan sorkar laipui hnenah VGF (via­bility gap funding) hnuaiah Guwahati leh ASEAN ram khawpuite chu thlawhtheihna hmanga inkalpawhna siamsak turin a ngen.

Assam sorkar chuan VGF hnuaiah hian kum thum chhung atan kumtina hman turin cheng vaibelchhe 100 zel a ruahman a ni. August thla hian Guwahati-Bangkok flight pawh hawn hman beisei a ni a, hemi hnu hian Kathmandu, Yangon, Hanoi leh Kuala Lumpur-te pawh thlunzawm chhun­zawm tum a ni.