NDA nena thawhhona tihtawp hun kan ngaihtuah dawn: Meghalaya CM

Meghalaya Chief Minister leh National People’s Party (NPP) president ni bawk Conrad Sangma chuan Thawhlehni khan an party chuan NDA sorkar nena an thawhhona tihtawp hun tur, hun ṭha ber nia an hriat an ngaihtuah dawn tih a sawi. Hei hi Citizenship Amendment Bill chungchang vanga sawi a ni.

Conrad Sangma chuan sorkar laipui chuan Rajya Sabha-ah bill hi an pawm lui a nih chuan in­zawmna an tihchah hun tur chu an ngaihtuah dawn tih a sawi.

Chief Minister chuan CAB duh lo lama vote thlak tur hian national capital-a party hrang hrang hruaitute chu an hmu tawh tih sawiin,  Samajwadi Party leh Bahujan Samaj Party-te nen pawh an inbe pawp reng tih a sawi. An party bakah party dang eng emaw zat chuan CAB chu an duh lo hle tih a sawi bawk.

PM hmuh tum an hlawh­chham chungchanga zawhna chhangin Sangma chuan appointment siam tura ngenna an thlen thu a sawi a, mahse PM chuan a ni tur tak a tichiang thei lo tih sawiin, appointment an hmuh thuai theih a beisei thu a sawi a ni.