Karbi Anglong party thar leh NPP thawkho maithei

Assam-a Karbi Ang­long-a party din thar, All Party Hills Lea­ders Conference (APHLC) hruaitute chuan Meghalaya Home Minister leh National People’s Party (NPP) James Sangma chu hmuin Lok Sabha inthlan awm tura thawhho chungchang an sawi.

APHLC chuan thu­chhuah siamin an pre­sident, JI Kathar; general secretary Jona Terang, vice president Rajesh Tisso; spokesman Ang­tong Engti leh secretary pahnih Kursing Timung leh Semson Teron-te chuan Thawhṭanni khan James Sangma chu Shillong-a a chennaa an hmuh thu an tarlan. James Sangma hnenah hian Karbi Anglong Autonomous Council (KAAC)-a voters list siam tihdik chungchanga pawl 24 chuang ten harsatna an tawh te, Sixth Scheduled paragraph 2 sub-paragraph 7-a thuneihna pek chung chang inziakte an thlen tih an sawi. 

James Sangma pawhin Lok Sabha inthlanah Karbi Anglong-a thawh­hona chu a thlawp tih sawiin, thawhhona chung­chang sawi tur hian mee­ting an nei leh vat dawn niin an sawi bawk.