Manipur: CAB dodal turin Politcal party 11 an ṭangrual dawn

Manipur-a political party 11-te chuan Citi­zenship (Amendment) Bill dodal tura thawhho an rel a, Manipur Demo­cratic Alliance (MDA) tia hming vuahin an thawkho dawn tih an sawi.

Imphal North AOC-a Hotel Imphal-a news conference an neihah he thu hi an puang a ni.

MDA hnuaiah hian Shiv Sena, Aam Adami Party (AAP), Trinamool Congress, People’s Democratic Alliance (PDA), Manipur National Democratic Front (MNDF), North East India Development Party (NEIDP) leh Manipur People’s Conference (MPC)-te chu an thawkho dawn a ni.

Heng party hrang hrang aiawhte hian tunhnai khan Home Minsiter Rajnath Singh pawh hmu tawhin hmarchhak mipuite humhimna tur clause siam turin an ngen tawh bawk.

Manipur-ah hian CAB dodalna hi kawng hrang hranga lantir tawh niin Prime Minister Narendra Modi mai bakah Chief Minister Biren Singh-a limte pawh dodaltute chuan an hal fo tawh a, kawngpui te dangin bandh-te pawh an huaihawt tawh a ni.