CAB duh lohna kawng- zawh Kohima-ah nei dawn

Joint Committee on Prevention of Illegal Immigration (JCPI) huai­hawtin vawiin hian Nagaland state khawpui Kohima-ah Citizenship Amendment Bill, 2016  duh lohna kawng zawhna neih tum a ni.

Chawhma dar 11 aṭang hian Old MLA Junction aṭanga Raj Bhavan thleng kawng an zawh dawn niin an sawi.

JCPI hi Nagaland GB Federation (NGBF)-te chuan an thlawp bawk a, President hnenah me­morandum thehluh an tum tih sawiin, Rajya Sabha-ah bill hi pawm a nih lohna tura ngenna thlen an tum a ni.

Joint Committee chuan Angami, Ao, Sumi, Lotha, leh Chakhesang tribe, Dimapur amite chu aiawh 15 ṭheuh tir turin an ngen a, tribe dang zawngte chu aiawh 10 ṭheuh tal tir turin an ngen bawk.

Nagaland Cabinet pawhin CAB hi an pawm loh thu an lo sawi tawh a, an state-ah chuan hman theih a nih ve loh thu leh India danpuiah pawh an state humhimna bik Article a awm thu an sawi tawh a ni.