Nagaland CM-in 2021-2022 budget deficit Rs vbc 365.33 pharh

Nagaland chief minister Neiphiu Rio chuan 13th Nagaland Legislative Assmbly session neih mekah, Ningani khan 2021-22 budget deficit Rs vbc 365.33 a pharh. 

Opening negative balance Rs vbc 2,314.13 a awm a, hei vang hian 2021-22 hi negative balance Rs vbc 2,679.46 a khar tura chhut a ni. Budget-ah hian chhiah lak tharna tur siam a ni lo. Sorkarin sum hman tihtlemna tur hmalakna hrang hrang a siam avangin budget estimate aṭanga sum indaihlohna tur chu a ziaawm phah deuh dawn niin Rio chuan a sawi. Inrenchemna an kalpui chu depatment hrang hrangte an chhunzawm zel tur thu a sawi bawk. 

CM-in budget a pharhah hian 2021-22 atana estimated gross receipt chu Rs vbc 22,451.28  a ni. Heng zinga Rs vbc 1,552.63 chu tax leh non-tax revenue niin, central tax-a state share Rs vbc 3,787.04, central assistance (grants and loans) Rs vbc 9,339.37, Internal debt (including Ways and Means Advance from RBI)  Rs vbc 7,770.73 leh recovery of loan Rs vbc 1.51 te an ni. 

Estimated gross expenditure hi Rs vbc  22,816.61 niin, Rs vbc 9,316.15 chu non-develop­ment expenditure tur a ni a, development expenditure (centrally sponspored scheme huamin) atan Rs vbc 5,680.63 leh servicing of debt atan Rs vbc 7,819 hman a ni bawk ang. 

Finance depatment-in a tarlan danin, Central Grants aṭanga an sum dawn 56.63% niin, Union tax leh duties aṭangin 23.03%, loan 10.9%, state chhung aṭanga lakluh 9.44% leh capital receipt aṭangin 0.01% a ni. Budget-a 37.20% hi sorkar hnathawkte hlawh atan hman niin, deve­lopment expenditure atan 33.68%, pension-ah 13.88%, interest 6.31%, loan repayment-ah 4.51% leh thil dangah 4.43% hman a ni bawk.