Assam election : Himana Biswa Sarma'n din duh lo

Assam finance miniter Himanta Biswa Sarma chuan assembly inthlan lo awm turah din tawh loh a duh thu state BJP chief Ranjeet Kumar Dass hnenah kum khat liam ta khan a lo hrilh tawh tih a sawi. Mahse party hotu lamin din tir an tum anih chu an thutlukna chu a zahsak tur thu a sawi bawk. 

Minister hian inthlana chuh a duh tawh lohna chhan erawh a sawilang lo. "Kum 2020, February 1 khan Rajneet Dass hnenah hian lehkha thawnin, 2021 assembly inthlanah chuh tawh loh ka duh thu hi ka lo hrilh tawh a ni. He ka thutlukna siam hi ka nupui leh fapa bakah ka chhungte dang hnenah pawh tun thlengin ka la hrilh lo a, a vawi khatnan ka sawichhuak a ni," tiin a sawi. 

North East Democratic Alliance (NEDA) convenor, Sarma chuan a duh dan hi  hrilh tawh mah se, party hotu lamin candidate atana dah leh a tum a nih pawhin, party duhdan erawh a zawm tur thu a sawi lang nghal bawk.