Manipur NGO-ten thil man sang duh lohna lantir

Manipur-a NGO hrang hrangte chuan Ningani khan state chhunga fuel man leh nitin khawsakna atana mamawh man sang zel duh lohna an lantir. 

NGO-te chuan thil man sang zel chungchang chu ngaihven thuai tur leh, mipuite harsatna sutkian dan ngaihtuah sak turin an phut. Nawrh huaihawtte hi Youth’s Forum for Prot­ection of Human Rights (YFPHR), Youth’s Action Committee for Protection of Indigenous People’s (YACPIP), Young People for Social Reform (YPSR), Khangabok Development and Students’ Union (KDASU), Chandonpokpi Youth Forum (CYF), Sunushiphai Youth Welfare Association (SYWA) te an ni. 

Hripui leng vanga ni­kum March thla aṭanga hnathawh mumal theih loha an awm tawh avangin mipui nawlpuite chuan harsatna nasa tak an tawk tih sawiin, NGO chuan hetih laia sorkar laipuiin sum a hlohte hmuh kir lehna atana petroleum product leh nitin mamawh thil dang man a tisang chu Indian Constitution-a Article 21, Right to Life palzutna nasa tak a ni, an ti. NGO-te hian chief minister N Biren Singh leh Governor Najma Heptulla hnenah memorandum an thehlut nghal bawk.