UNLF in an chairman hlui hnawtchhuak

Manipur helpawl, United National Liberation Front (UNLF) chuan an chairman hlui Khundongbam Pambei chu an pawl duhdan kalha a chet avangin an hnawtchhuak. 

UNLF Central Committee chuan GHQ Neina Shang-a special General Assembly an neihah he thutlukna hi an siam a ni. Pambei hi UNLF duhdan kalh leh an inpumkhatna ngai pawiawm loh zawnga chea puhna chu chhui chian a nih hnuah, an pawl aṭanga hnawhchhuah hi an rel ta niin an sawi.

Pambei hi official information-te tiputru leh, an pawl hruaitu dangte dik lo taka puha sawi a ni a, pawl member-te lakah pawh inthliarna siamin, an pawl inpumkhatna tihchhiat tumah puh a ni bawk. An puhna chungchang hi Fact-Finding Commission chuan a chhui a ni. 

Central Committee hian Pambei pawh hi  insawifiah turin Assembly-a pawh hian a sawm a, mahse a inlan loh avangin an puhnate hi a dik ngei tih a tichiang a ni, a ti.