Hmarchhak-ah DDK channel thar tlangzarh dawn

India Public Service Broadcaster, Doordarshan chuan channel thar DD Arunprabha an tlangzarh dawn a, Prime Minister Narendra Modi chuan vawiin hian Arunachal Pradesh state khawpui Itanagar-ah a tlangzarh ang.

DD Arunprabha hi Doordarshan Kendra satellite channel 24-na niin, hmarchhak state-te tana en theih tura tih a ni dawn niin an sawi. 24x7 Satellite channel a ni dawn a, DDK Itanagar-ah headquarters dah a ni dawn bawk. DTH mode pawhin a awm dawn a, Kendra hian technology lamah hma an sawn nasa hle nia tarlan a ni bawk.

DD Arunprabha hian Arunachal Pradesh-a multi-ethnic social fabri-te an tilang ṭhin dawn a, hmarchhak state dangte pawhin program an nei ve ṭhin dawn bawk nia sawi a ni a, hei hi hmarchhak culture danglam takte chawisanna tur a ni bawk ang. Tlai dar 6.15-ah Hindi in regional news bulletin nitin tihchhuah ṭhin a ni dawn a ni.

Channel thar tlang­zarhnaah hian Ministry of Information & Broad­casting, Govt. of India officer lian tak tak an tel dawn a, Shri Amit Khare, Secretary, Ministry of I&B, Smt. Supriya Sahu, Director General, Doordar­sahan-te bakah senior officer eng emaw zat an tel bawk ang.