CAB hi state mipuite boralna tur a ni: NUTA

Nagaland University Teachers’ Association (NUTA) chuan state sorkar chu state Assembly session-ah Citizenship (Amendment) Bill chungchang ngaihtuah tura ngenin, constitution Article 371 (A) chuan CAB aṭangin a venghim thei dawn lo tih an sawi.

Chief secretary hnena thu an thlenah  Central Executive Council of NUTA president Prof Rosemary Dzuvichu leh secretary general Prof. D Kuolie-te chuan CAB chu a nihna takah chuan ‘Passport (Entry into India)’ siamṭhatna a nih thu leh ramchhunga awlsam zawka hemi kawnga rorelna tur a nih thu an sawi a ni.

NUTA chuan Nagaland chu India Consti­tution Article 371 (A) leh Inner Line Permit (ILP) hmanga venghim ni mah se, CAB chu dana chantir a nih chuan Naga-te venhimna bik clause-te chu hnawl a ni dawn tih an sawi a, CAB-ah chuan ILP emaw Article 371 (A) emaw venhimna thu engmah a awm lo tih an sawi bawk.