Manipur sorkar in CAB na takin dodal: CM

Manipur Chief Minister N Biren Singh chuan an sorkar chuan Citizenship Amendment Bill (CAB) chu Manipur leh hmarchhak humhimna tur clause telh a nih loh chuan na takin an dodal tih sawiin, Manipur People Bill chu pawm a nih thuai loh chuan an dodal zel dawn tih a sawi.

Fisheries Depart-ment-ten Inrinni-a Chief Minister Secretariat-a fish farmer-te hnena loan an semnaa thu a sawinaah CM chuan Citizenship Amendment Bill mipui ten an hlau chu thil pawmawm tak a nih thu a sawi bawk.

He hunah hian CM Biren Singh hi khuallian a ni a, an sorkar chuan mi­puite tan theihtawp an chhuah dawn thu leh an beih zel dawn thu a sawi. Manipur sorkar chuan mipuite duhdan chu an hriatthiam thu leh mipuite rilru a tihnat chu an duh loh thu a sawi bawk a ni.