Manipur hmun ṭhenkhatah internet shutdown CAB duh lohna lantirnaah zirlai pahnih hliam

The Northeast Today in a tarlan danin Manipur hmun ṭhenkhatah chuan mobile internet tihtawp lailawk a ni a, Tripura-ah pawh mobile internet dang rih tura ruahmanna siam mek a ni. Hei hi Citizenship Amendment Bill vanga buaina chhuak tur venna atana tih nia rin a nih thu tarlan a ni bawk.

Manipur Imphal East-ah chuan Section 144 CrPc puan a nih bakah curfew puan a nih thu an tarlang bawk a ni.

Thawhṭanni khan zirlai pawl paruk- All Manipur Students’ Union, Manipur Students’ Fede­ration, Democratic Stu­dents’ Alli­ance of Manipur, Kangleipak Students’ Association, Students’ Union of Kangleipak leh Apunba Irreipakki Maheirosing Singpang­lup-te chuan CAB duh lohna lantir nan  Khwairamband market-ah flag dum nen kawng an zawh a, police-te chuan zirlaite hnawtdarh tur hian smoke bomb-te an hmang hial a ni.

Police-ten nen an innek buainaah hian zirlai pahnihin hliam an tuar a, hliam tuarte hi Regional Institute of Medical Sciences (RIMS)-a zirlai an nih thu tarlan a ni bawk.