Hmarchhak tana lawmna Citizenship Amendment Bill, 2016 tlawlh

Hmarchhak mipui ten pawm an hlauh em em Citizenship Amendment Bill, 2016 chu Lok Sabha-ah pawm ni mah se Nilaini khan Rajya Sabha-ah ngaihtuah hman a nih tak loh avangin a tlawlh ta a, hemi avang hian hmarchhak mipuite chu an lawm hle a ni. Hmarchhak hmun hrang hrangah lawmna au ri leh thawm hriat tur a tam a, pawl hrang hrang chuan an lawmna thu an auchhuahpui a ni. Pawl hrang hrang bakah politician eng emaw zat chuan an lawm thu an sawi bawk.

Hmarchhak mipuite lawmzia social media lamah post hmun tur a tam a, chimral hlauh vanga mangangte chu lawm avangin an zuang a ni.

CAB hi pawm a nih chuan December 31, 2014 hma lama India rama rawn lut, Pakistan, Afghanistan leh Bangladesh mi, Muslim sakhua vuantu ni lo, Hindu, Sikh, Buddhist, Jain, Parsi leh Kristian sakhuate chu India khua leh tui pek an ni thei dawn a ni.