Akhil Gogoi-an Assam CM phatsantuah puh

Krishak Mukti Sangram Samiti (KMSS) chief Akhil Gogoi chuan Citizenship (Amendment) Bill, 2016 Rajya Sabha-a a tlawlh chu lawmawm a tih thu a sawi.

Media miten an kawmnaah Akhil Gogoi chuan," Media in hnehna a chang, journalist-ten hnehna an chang. JD(U), Congress, AGP, Aam Aadmi Party leh party dangte chu Assam zalenna sualna kawng thara an hmalakna avangin lawmthu ka hrilh a ni", a ti.

Gogoi hian media mite, Congress MP Bhubaneswar Kalita leh parliament kawta awm mi ṭhenkhat chu tlankualin a kuah niin report ṭhenkhat chuan an tarlang.

KMSS chief chuan BJP sor­kar chu sawiselin, BJP thiltum chu a thi ta nia sawiin, Chief Minister Sarbananda Sonowal chu phartsantuah a puh bawk.

Himanta Biwsa Sarma pawh beiin, Biswa Sarma chu misual tak a nih thu a sawi. Assam Finance Minister Sarma hi CAB hum nasa bertu zinga mi a ni.