Meghalaya BJP-in enrolment drive nei dawn

Meghalaya Bharatiya Janata Party (BJP) unit chuan July 6 aṭ-ang hian state chhungah member thar lak runpui, enrolment drive a nei dawn. 

BJP enrolment drive hi state chhunga Legislative Assembly constituency 60-ah neih a ni dawn a, August 11 thleng neih a ni ang. Meghalaya state BJP president Shibun Lyngdoh chuan enrolment drive an neih tur hi member ni sa leh a thar turte tan a ni kawp nghal dawn tih a sawi a, member lo ni tawh pawhin party member an nihna an tihthar leh theih tur thu a sawi. 

Meghalaya-ah hian BJP member inziaklut hi 46,000 an awm mek a ni. BJP hian MLA pahnih an nei a, National People's Party (NPP) kaihhruai Meghalaya Democratic Alliance (MDA) ṭangrual sorkarah an tel bawk. BJP MLA zinga pakhat, AL Hek chu health and family welfare minister a ni.