Manipur CM-in state chhung dinhmun sawipui

Manipur chief minister N Biren Singh chuan Thawhṭanni khan high level meeting koin, an state chhunga khawkheng thlen thulha harsatna thleng laka hmalak dan tur chungchang an sawiho. Meeting-ah hian Chief Minister chuan official-te chu ruahmanna fel tawk siam lawk turin a hriattir nghal a ni. 

He hunah hian minister, rorellai party MLA, agriculture leh minor irrigation department official-te an tel.  State agriculture department official-te chuan ruahtui tlak tlem vanga harsatna awm thei laka hma lak dan tur ruahmanna an siamte pawh an pholang nghal bawk. 

Manipur leh hmarchhak bial hian June thla chhungin kum dang aiin ruahtui 41% in an dawng tlem a, ruah sur tlem vang hian leiletah tui a awm thei lo a ni. Hei vang hian khawkheng an tawrh mai a hlauhthawn awm a ni. CM chuan water pump-te chu hman theih renga enkawl a ngaih thu te, urea fertiliser leh thlai chi te pawh sem theih tura peih reng turin a ti.