Tripura sorkar leh AAI-in MoU ziak

Tripura sorkar leh Airport Authority of India (AAI) chuan Dhali District-a Manu Block-a equipment hiring centre paruk sakna turin inremna, memorandum of understanding (MoU) an ziak. 

Airport Authority official chuan he project hi Corporate Social Responsibility scheme a kalpui hnuaia mi a nih thu sawiin, equipment hiring centre-ah hian agriculture, animal husbandry leh fishery lam kaihhnawih hmanruate dah a ni ang, a ti. Heng hmanruate hi loneitu, self help group leh a mamawhtu dangte hnenah man tlawm taka hawh tir ṭhin an ni dawn tih a sawi bawk. 

Manu Block-a Tripura Rural Livelihood Mission additional CEO, Amarto Barman chuan Manu Block chu tribal chenna bial a ni tih sawiin, he project hi chhungkaw 6,000 velin an chhawr ṭangkai thei dawn tih a sawi.