Nagaland: Supreme Court-in ILP khinna tur PIL a hnawl

Supreme Court chuan Thawhlehni khan Nagaland-a Dimapur khawpuia Inner Line Permit (ILP) hman khinna tur Public Interest Litigation (PIL) thehluh chu a hnawl.

Chief Justice Ranjan Gogoi kaihhruai bench chuan hemi chungchang hi an ngaihtuah dawn lo tih an sawi a ni. ILP khinna tur PIL hi BJP hruaitu nia inchhal Ashwini Ku­mar Upadhyay thehluh a ni a, Na­ga ni lote bungrua, ram leh an­mah­ni himna tura thehlut a nih thu a sawi. Mahse hei hi Naga mipuite chuan an sawisel nasa hle thung.

Nagaland unit BJP pawhin nasa takin an sawisel ve tawh bawk a, BJP hruaitu zingah Ashwini Kumar Upadhyay tih hmingpu an awm loh thu te pawh an lo sawi tawh. Nagaland-a pawl hrang hrang chuan an sawisel nasa hle a, BJP Nagaland state president, Temjen Imna Along chuan hemi chungchangah hian inhnamhnawihna an nei lo tih a sawi tawh bawk.