Assam : MLA-ten Dhaka-a Indian High Commission an tlawh
Assam health and family welfare minister Pijush Hazarika kaihhruaiin Assam MLA pangate chuan Dhaka, Bangladesh-a Indian High Commission chu Thawhlehni khan an tlawh. MLA team hi Assam additional chief secretary Sh. Maninder Singh chuan a ṭawiawm bawk.
MLA team hi Urdan scheme hnuaia Guwahati-Dhaka inkara thlawhtheihna service thar, Spicejet thlawhtheihna hmangin an kal a, Dhaka-ah Acting High Commissioner Bihswadip Dey chuan a lo hmuak a ni. Official-te hian High Commission chu kawm nghalin, India leh Bangladesh mipuite inkara inlaichinna ṭha zawk siam dan turte an sawiho nghal a ni. Meeting-ah hian Bangladesh leh Assam inkara tourism tihchangtlun dan turte an sawiho bawk.
Acting High Commissioner chuan MLA rualte hnenah nikum chhunga Bangladesh-in India rama zin tumte hnena visa a pekchhuah chu nuai 14.8 a tling tih a hrilh. Ram pahnihte chuan hun rei tawk tak aṭanga inṭhianṭhatna leh inzawmna ṭha tak an lo neih tawh thu sawiin, mipuite inzawmna pawh a ṭhat chhoh zel thu a sawi.