Assam : RFP in naupang 12 chhanchhuak

Railway Protection Force (RFP) chuan kar kal ta chhung khan Assam-a rel leh rel station hrang hrang aṭangin naupang, kum tling lo 12 an chhanchhuak a, misual pasarih an man bawk. 

Central Intelligence Bureau (CIB)-a Crime Prevention & Detection Squad chuan Kathari Railway Station an endiknaah, khualzinte damdawi-a hrai ruia an bungrua ruksaktu mi panga an man. An kut aṭang hian pawisa fai Rs. 2000 leh mobile phone an ruk chu an mansak tel bawk.  

RPF chuan Guwahati rel station area chhungah thil sual ti ṭhinte an dap chhuahnaah mi pakhat an man bawk a, a kut aṭangin khualzinte thil a ruk sak pawisa bag pathum, mobile phone, PAN card pahnih, Voter ID pakhat, SBI ID card pakhat, ATM card pakhat leh pawisa fai Rs. 5,070 an man tel a ni. 

RPF team vek hian Mariyani station aṭangin khualzinte mobile phone rutu an man bawk.