Assam Chief Minister leh Union Minister inkawm

Assam chief minister Sarba­nanda Sonowal chuan Ningani khan New Delhi-ah union petro­leum & natural gas minister Dharmendra Pradhan a hmu a, an state chu hydrocarbon hub-a siam a nih theih dan turte a sawipui. 

Sarbananda Sonowal chuan sorkar laipuiin Assam-a oil leh gas infrastructure tichangtlung tura a hmalakna chu lawmawm a tih thu a sawi rualin, hydrocarbon sector lamah chak zawka project thar siam a ṭul thu a sawi. 

Sonowal chuan Numaligarh Refinery tihlen te, Numaligarh-a bio-refinery dah chungchang te, North East Gas Grid leh Barauni-Guwahati Natural Gas Pipeline chungchang te union minister hi a sawpui bawk. CM chuan project hrang hrangte a hun taka zawhfel zel theih chuan state economy ṭhanna kawngah nasa taka a puih thu leh, oil and gas sector-a mi tam tak tan hna thawhna a siamsak theih thute a sawi. 

Union minister Pradhan pawhin Assam chief minister chu an state-a oil leh gas infrastructure tihchangtlun kawngah sorkar laipuiin theihtawpa a puih zel tur thu a lo hrilh a ni.