Assam : Anganwadi worker-ten nawrh huaihawt

All Assam Anganwadi Workers-Assistants Asso­ciation hnuaia Lakhimpur unit chuan an thil phut hrang hrang tihhlawhtlin phutin nawrh an huaihawt. 

Organization member 500 velte chuan an president Premada Mudoi leh secretary Amiya Saikia Baruah kaih­hruainain Lakhimpur Deputy Commissioner office kawtah nawrh an huaihawt a, state sorkar chu hun rei tak an thil lo phut tawhte tihlawhtling turin an phut a ni. Ruahsur hnuaiah nawrh hi huaihawt a ni a, DC office campus-ah an thil phut hrang hrang hi an aupui. 

Nawrh huaihawtte hian Anganwadi worker leh assis­tant-te pension kum chu kum 65-a tihpun te, Anganwadi centre hrang hrang thuam ṭhat te, worker leh assistant-te chu ESI hamṭhatna pek te, worker post ruakah assistant-te dah luh te, drinking water system dah te, cooking room hran siam te, worker leh assistant-te pension hlawh pek te, pension sytem hman a nih hma chu worker pension te cheng nuai thum leh assistant pension te cheng nuai hnih pekte an phut. 

Lakhimpur Deputy Commissioner kaltlangin chief minister hnenah me­morandum an thehlut nghal bawk.