Manipur CM-in Fair Price Shop Automation system a tlangzarh
Manipur chief minister Nongthombam Biren Singh chuan Nilaini khan Fair Price Shop (FPS) Automation system a tlangzarh a, hei hi PDS item semchhuah kawngah langtlang leh felfai taka kalpui a nih theihna atana ruahman a ni.
CM chuan he system hnuaiah hian ration card dik tawk lo chu awlsam taka hriatchhuah a ni dawn a, hei hian PDS item semna kawnga thil dik lo awmte a tihtlem phah dawn a ni, a ti. Beneficiary-te chuan ePOS (Electronic Point of Sale) device kaltlangin an thil dawn turte chu an dawng dawn tih a sawi.
Singh chuan FPS automation system chu a thawh khatna atan state chhunga FPS 10-ah hman a ni phawt dawn tih a sawi. Manipur-ah hian Fair Price Shop hi 2,324 a awm a, ration card 5,69,688 a awm bawk a ni.