CBI-in NFR official-te an dap

Central Bureau of Investigation (CBI) chuan Ningani khan Maligaon-a Northeast Frontier Rail­way (Construction) head­quarters-a  cheng vaibel­chhe 158 khawih ching­pen thubuaiah Guwa­hati-a hmun 14 an dap.

CBI hian NE Railway official parukte office, official quarters leh chenna inte pawh an dap bawk. Heng official an dapte hi pawisa khawih chingpen thubuaiah hian an inrawlh nia sawi a ni. CBI chuan heng mite lakah hian suo-moto case (number 06/2019) a ziaklut bawk.

NFR hi hmarchhak zawng zawng bakah West Bengal leh Bihar-a rel kawng siam hna zawng zawng kalpuitu an ni. Pawisa khawih chingpen thubuaiah hian NF Railway senior public relations officer Dilip Borah chu mawhphurtu bera puh a ni.

CBI-te hian docu­ments, bank pass­books leh computer hard disc eng emaw zat heng hmun 14 an dap aṭangte hian an man. Pawisa tam tham tak khawih chingpen thubuaiah hian NFR official dang pawh an inhnamhnawiha rin a ni a, CBI hian pawisa khawih chingpen hi cheng vaibelchhe 158 ai hian a tam thei tih an sawi.